ADB ទម្លាក់ការព្យាករកំណើនសេដ្ឋកិច្ចអាស៊ី និងប៉ាស៊ីហ្វិក នៅត្រឹម ៤,៩% សម្រាប់ឆ្នាំ២០២៦ ដោយសារវិបត្តិថាមពល

យោងតាមរបាយការណ៍ថ្មីរបស់ធនាគារអភិវឌ្ឍន៍អាស៊ី (ADB) ដែលបានចេញផ្សាយកាលពីថ្ងៃទី១១ ខែកក្កដា ឆ្នាំ២០២៦ បានឱ្យដឹងថា កំណើនសេដ្ឋកិច្ចរបស់បណ្តាប្រទេសកំពុងអភិវឌ្ឍន៍នៅអាស៊ី និងប៉ាស៊ីហ្វិកនឹងធ្លាក់ចុះមកត្រឹម ៤,៩% នៅឆ្នាំ២០២៦ ។ នេះជាការទម្លាក់ចុះបើធៀបនឹងការព្យាករពីមុន ដែលបង្ហាញពីផលប៉ះពាល់កាន់តែខ្លាំងនៃវិបត្តិថាមពលសកល។ ការទម្លាក់កំណើនសេដ្ឋកិច្ចនេះ ក៏ព្រោះតែការរំខានដល់ការផ្គត់ផ្គង់ថាមពល និងការកើនឡើងថ្លៃថាមពល ដែលជះឥទ្ធិពលយ៉ាងខ្លាំងដល់ផលិតកម្ម និងការប្រើប្រាស់ក្នុងតំបន់ ។ វិបត្តិនេះបានបង្កឱ្យមានសម្ពាធលើអតិផរណា និងកាត់បន្ថយសកម្មភាពសេដ្ឋកិច្ចនៅក្នុងប្រទេសជាច្រើន។ ផលប៉ះពាល់នៃការព្យាករថ្មីនេះ អាចធ្វើឱ្យរដ្ឋាភិបាលនានាក្នុងតំបន់ត្រូវពិនិត្យឡើងវិញនូវគោលនយោបាយសេដ្ឋកិច្ច និងថាមពលរបស់ខ្លួន ។ ADB ក៏បានសង្កត់ធ្ងន់លើតម្រូវការក្នុងការពន្លឿនការផ្លាស់ប្តូរទៅរកថាមពលកកើតឡើងវិញ ដើម្បីកាត់បន្ថយហានិភ័យពីវិបត្តិថាមពលនាពេលអនាគត។