សេចក្តីប្រកាសព័ត៌មាន ស្តីពី លទ្ធផលនៃកិច្ចប្រជុំ របស់ គ.ជ.ប សម្រាប់ថ្ងៃទី៣០ មេសា
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) នាថ្ងៃទី៣០ ខែមេសា ឆ្នាំ២០២៦នេះ បានបើកកិច្ចប្រជុំក្រោមអធិបតីភាពដ៏ខ្ពង់ខ្ពស់ លោក ប្រាជ្ញ ចន្ទ ប្រធាន គ.ជ.ប ដើម្បីពិនិត្យ និងសម្រេចលើ កំណត់ហេតុអង្គប្រជុំកាលពីថ្ងៃទី៥ ខែមីនា ឆ្នាំ២០២៦ ពិនិត្យ និងសម្រេចលើឯកសារ ចំនួន ១៩ ប្រភេទ សេចក្តីណែនាំ សេចក្តីសម្រេច ទម្រង់របាយការណ៍ និងវិធានការដោះស្រាយផលប៉ះពាល់ ប្រជាពលរដ្ឋ និងទីតាំងភូមិសាស្ត្រ បន្ទាប់ពីការឈ្លានពាន លើបូរណភាពទឹកដីកម្ពុជាពីយោធាថៃ សម្រាប់ប្រើប្រាស់ក្នុងការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦។